Сигурносната врата, производ на ТЕНЗОР-Скопје, се состои од метална конструкција изработена од челични профили 40х20мм. Профилите образуваат решетка двострано пунктирана со декапиран лим 2х =1,00мм. Внатрешоста на конструкцијата е исполнета со  тврдопресуван тервол со д=40мм за термо-звучна и огноотпорна изолација во траење од 30 минути.

 

Металната конструкција е двострано обложена со глатка оплеменета иверка ¹16мм или со медијапан фурниран, апликативно резбарен. Со ова се дефинира надворешниот изглед на сигурносната врата. Бојата и апликативната резба е по избор на нарачателот. Во вратата е вграден сигурносен систем Securemme-Италија модел 2530, за повеќестрано забравување со касови клучеви и точкасто кодиран цилиндер Corbin-Black&Decker--Италија. Забравувањето со сигурносниот систем е на 5 точки кај бравата, на 2 точки ниско долу странично со девијатор, горе вертикално на 1 точка и од задната страна (кај шарките) на 3 точки со фиксни болтови. 

 

Металниот довратник е изработен од апкантуван декапиран лим =2,00мм. електростатски фарбан во боја по избор на нарачателот. Во основниот облик на сигурносната врата е вградено магично око со видно поле од 180˚ производ на Securemme-Италија, рачките и розетните можат да бидат од полиран месинг или матиран хром. Овие елементи се производ на Cotalli-Италија. Вградувањето е сувомонтажно со анкерисување и заварување на анкерите и пурпенирање за термичка и звучна изолација помеѓу металната каса и ѕидот.